Beth sy’n cael ei ddisgwyl gennyf i fel rhywun sy’n cael ei fentora?

Fel rhywun sy’n cael ei fentora ar y rhaglen chi sy’n gyfrifol am sicrhau newid cadarnhaol ac am arwain eich datblygiad eich hun.  Gall eich mentor roi arweiniad, anogaeth a chefnogaeth i chi, ond ni allant wneud pethau drosoch chi.  Mae perthnasoedd mentora yn gweithio orau pan fo gan y naill barch at y llall, pan fo ffiniau clir, a phan fo dealltwriaeth gyffredin o’r pwrpas a’r amserlen.  Mae mentora yn sylfaen ar gyfer twf.

Os ydych chi’n ymuno fel rhywun sy’n cael ei fentora, dylech fod yn barod i:

• Gael rhesymau clir dros fod eisiau mentor a nodau personol i weithio tuag atynt

• Neilltuo tua 1 awr bob 4 i 6 wythnos ar gyfer cyfarfodydd gyda’ch mentor (dros y ffôn, Zoom, Teams, neu wyneb yn wyneb)

• Mynychu sesiynau hyfforddi ar-lein gorfodol bob mis

• Cymryd rhan mewn cyfleoedd rhwydweithio a meithrin sgiliau dewisol

• Mynd ati i arwain y berthynas fentora a chymryd cyfrifoldeb am eich cynnydd

• Deall pwrpas y rhaglen a rheoli eich disgwyliadau

Er mwyn meithrin perthynas fentora lwyddiannus, dylai’r rhai sy’n cael eu mentora:

• Baratoi ar gyfer pob cyfarfod gyda’ch mentor

• Rhestru nodau cyffredin a chreu cynllun gweithredu ar y cyd

• Parchu cyfrinachedd

• Bod yn agored i wahanol safbwyntiau a pharchu gwahaniaethau

• Parchu amser ac ymrwymiadau eich mentor

• Adnabod y berthynas fel un cyfartal

• Cyfathrebu’n glir, gwrando’n astud, a thrafod gyda phwyll a sensitifrwydd

• Gweithio’n gyson tuag at y nodau y cytunwyd arnynt

• Deall a pharchu ffiniau’r berthynas fentora

• Bod yn brydlon ac osgoi canslo cyfarfodydd pan fo modd

• Bod yn ymwybodol o gyfyngiadau a galluoedd eich gilydd

Sut y gallwch chi gefnogi’ch mentor

• Byddwch yn glir ynglŷn â’ch amcanion a myfyrio’n rheolaidd ar eich anghenion

• Ewch ati i osod a chynnal ffiniau clir o amgylch y berthynas fentora, gan gynnwys dyddiadau dechrau/gorffen a pha mor aml y byddwch chi’n cyfarfod

• Eglurwch yr hyn rydych chi am ganolbwyntio arno, boed hynny’n ddatblygiad proffesiynol yn unig neu agweddau ehangach ar eich bywyd